Verona ka përmbysur shifrat ndaj Genoas në shtëpi, teksa brenda 10 minutave ka shënuar dy herë me anë të Verres dhe Zaccagnit. Pikërisht në golin e dytë, protagonisti kryesor ishte Amir Rrahmani, i cili doli nga mbrojtja, duke udhëhequr sulmin e ekipit të tij.
Për fat të keq, goditja e ish-mbrojtësit të Partizanit u ndal nga portieri, por aty përfitoi Zaccagni, i cili shënoi, duke çmendur në festë tifozët. Vlen për t’u përmendur që pasditen e sotme, në “Bentegodi” ka skautë nga shumë klube të mëdha evropiane, të cilat po vëzhgojnë dyshen shqiptare, Rrahmani-Kumbulla, por edhe mesfushorin Amrabat.
