Ante Rebiç u afrua me bujë te Milani në merkaton e verës nga Aintraht Frankfurti, por paraqitjet e tij lënë shumë për të dëshiruar.
Sulmuesi kroat ka zhvilluar vetëm 7 ndeshje në total, duke luajtur vetëm 177 minuta, dhe për këtë arsye nuk ndihet aspak i lumtur te kuqezinjtë. Sipas asaj që shkruan “Calciomercato”, futbollisti dëshiron të rikthehet përsëri te Aintraht Frankfurti.
Thuhet se përfaqësuesit e lojtarit janë duke punuar dhe kanë nisur kontaktet, për ta rikthyer përsëri Rebiçin te skuadra gjermane. Sipas rregullores së UEFA-s, një lojtar mund të luajë vetëm me dy skuadra në një sezon dhe për arsye zgjidhja e vetme për lojtarin është të rikthehet te Frankfurti.
Rebiç dëshiron të marrë pjesë në Europian me Kroacinë dhe për këtë arsye po shtyn rikthimin në Bundesligë, për të gjetur më shumë minuta në dispozicion.