Trajneri i ekipit meksikan të Monterrey, Antonio Mohamed, që u rendit në vendin e tretë në Botërorin e Klubeve, ka akuzuar trajnerin gjerman të Liverpool, Jurgen Klopp, për tallje dhe mungesë respekti gjatë përballjes në gjysmëfinale.
“Tregoi mungesë respekti, e kaloi të gjithë ndeshjen duke kërkuar një ndëshkim sepse pretendonte që godisnim Salah, por kur unë kërkova ndëshkimin e një prej futbollistëve të tij, ai nxori gjuhën jashtë, duke u tallur me mua, sikur të isha homoseksual. Në fillim qesha, por më pas u çmenda”, deklaroi trajneri i ekipit meksikan.
