Brescia e ka nisur me një humbje 2-1 në shtëpi kundër Lazio-s vitin 2020-të.
Një humbje që i ka lënë një shije të hidhur sulmuesit të “Dallëndysheve”, Mario Balotelli-t, i cili ka marrë edhe fyerje raciste nga tifozët e Lazio-s.
Lojtari, i cili ka qenë autori i golit të vetëm të shënuar nga ekipi i tij, ka karikuar skuadrën dhe i ka dhënë një mesazh të qartë atyre që e sulmuan me thirrje raciste.
“Është një humbje që dhemb, por do të ngrihemi përsëri. Jemi në rrugën e duhur. Për lacialët që ishin të pranishëm në stadium: Turp t’ju vijë!”, ka shkruar Super Mario në Instagram.
