UEFA ka publikuar ditën e sotme formacionin e vitit 2019, bazuar në votat e tifozëve. Plot 2 milionë votues kanë zgjedhur formacionin e vitit, ku moduli është 4-4-2, ose edhe 4-2-4. Në portë nuk ka dyshime, teksa është Alisson Becker.
Në mbrojtje përsëri dominon Liverpooli, ku nga krahët janë Alexander-Arnold dhe Robertson. Në qendrën e mbrojtjes vendosen dy holandezët Van Dijk dhe De Ligt. Mesfusha vijon me Frenkie De Jong dhe Kevin De Bruyne, ndërsa nga krahët luajnë Mane dhe Messi. Sulmi, ashtu si pjesa tjetër, është i frikshëm, teksa përbëhet nga Cristiano Ronaldo dhe Robert Lewandowski.
