Tashmë është zyrtare! Elis Bakaj, prej ditës së sotme është lojtari më i ri i skuadrës bjelloruse Dinamo Brest.
Ishte vetë lojtari, i cili nëpërmjet një postimi në rrjetet sociale, ka bërë me dije zyrtarizimin e këtij transferimi që kishte kohë që përflitej.
“Jam i lumtur që do të jem pjesë e Dinamo Brest për dy vitet ardhshme”, shkruan sulmuesi shqiptar.
Bakaj ishte pjesë e Soligorskit prej marsit të vitit 2018-të, ndërsa tani është gati për aventurën e tij të re.
