Zlatan Ibrahimoviç u zyrtarizuar para pak ditësh si lojtari më i ri i Milanit, me të cilët filloi edhe stërvitjen e parë ditën e djeshme.
Entuziazmi te tifozët e Milani për këtë transferim është rritur ndjeshëm, kjo edhe për shkak se Ibra ka thënë vetëm fjalë të mira për kuqezinjtë pas largimit në vitin 2012. Megjithatë për të frenuar entuziazmin e tifozëve ka mënuar një ish-lojtar i Milanit, si Urbi Emanuelson.
Ky i fundit në një intervistë të dhënë është shprehur: “Duket se te Milani po mendojnë se e kanë marrë Ibrën në moshën 25-vjeçare. Kuqezinjtë nuk janë aty ku duhet të jenë, Zlatani duhet të japë impulse të reja dhe të ngrejë nivelin e të tjerëve.
Ai ishte një lojtar vendimtar te Milani, gjatë kohës kur luaja unë. Përveç asaj që do të japë në fushë, karakteri i tij do të jetë i rëndësishëm për skuadrën e sotme.”, u shpreh Emanuelson.
