Duhet të ishte lojtari që do të zëvendësonte Kristiano Ronaldon, por Garet Bejl është shndërruar në një problem për Realin e Madridit.
Hera e fundit që ka shënuar një gol në “Santiago Bernabeu” ka qenë 16 marsi i vitit të kaluar, pikërisht kundër Selta Vigos, ekzaktësisht 11 muaj më parë. Këtë herë ai do të kërkojë që të thyejë mallkimin, por fillimisht duhet të bindë Zidanin që të luajë titullar.
Në fakt, Bejl nuk ka bërë namin në transfertë. Ecuria e tij ka qenë shumë negative dhe dëmtimet nuk e kanë lënë që të tregojë vlerat e tij. Nga marsi i vitit të kaluar deri sot, Bejl ka arritur të shënojë 3 gola. Të tre kanë qenë në transfertë, 2 kundër Vijarealit dhe një tjetër në Kupën e Mbretit kundër Unionistas. Një tjetër lajm negativ lidhet me faktin që në vitin 2021 Garet Bejl do të jetë ekstrakomunitar.
