Nuk ndodh gjithmonë në futboll që bab e bir të luajnë për të njëjtin klub, por që 3 breza futbollistësh nga e njëjta familje të veshin të njëjtën fanelë, kjo është tepër e rrallë.
Daniel Maldini, i biri i ikonës së Milanit Paolo Maldini dhe nipi i një tjetër ish-kapiteni legjendar të “Djallit” Çezare Maldinit realizoi sot ëndrrën e tij duke debutuar me Milanin në takimin kundër Veronës 1-1. Ndryshe nga dy paraardhësit e tij, 18-vjeçari Daniel Maldini nuk luan në pozicionin e mbrojtësit, por si mesfushor i avancuar.
Të shohim nëse ai do të ketë përkushtimin e të atit dhe gjyshit për t’u bërë titullar dhe lider i Milanit në të ardhmen.
