Atalanta arriti të merrte një fitore të rëndësishme kundër Fiorentinës në fushën e Firences me rezultatin 1-2. Mbrojtësi i kombëtares së Shqipërisë Berat Gjimshiti u aktivizua për 90 minuta në këtë takim të zhvilluar në fushën e “Artemio Frankit”.
26-vjeçari u vlerësua nga mediat sportive italiane me notën 6 duke nënvizuar reagimin e tij të saktë në dyluftimet ajrore.
Futbollisti shqiptar vazhdon të konfirmohet si njëri prej elementëve të rëndësishëm në ecurinë pozitive të bergameskëve në kampionatin italian.
Fitorja e sotme e ngjiti Atalantën në vendin e katërt, pozicion që e kualifikon direkt për në Ligën e Kampioneve për sezonin e ardhshëm. Atalanta u hakmor kundër Fiorentinës për eliminimin nga Kupa e Italisë në muajin janar.
Berat Gjimshiti (6): Njësoj si Toloi nuk vuan shumë prej kundërshtarëve. Kutrone i jep kohë të reagojë. U tregua i vëmendshëm në topat e lartë.