Romelu Lukaku la gjurmë në fitoren 2-0 të Interit në fazën e parë kundër Milanit. Qëkur suksesi në Serinë A vlerësohet me tri pikë, vetëm pesë lojtarë zikaltër me pasaportë joitaliane kanë mundur të gjejnë rrugën e rrjetës në dy derbit e tyre të parë kundër Milanit.
Xhorkaef, Ronaldo, Simeone, Ibrahimoviç dhe Milito përbëjnë klubin ekskluziv, ku Lukaku do të mundohet të përfshihet për të shënuar sot në mbrëmje. Sot belgu do të kërkojë golin e 21-të sezonal. Deri tani, bilanci “flet” për 13 realizime larg Milanos (12 në Serinë A dhe 1 në Champions) dhe 7 në “San Siro”.
Anomali shfaqin edhe statistikat e dygolëshave të belgut, i cili nga 6 të regjistruara deri më sot, vetëm dy i ka realizuar në ndeshjet shtëpiake. Tek Interi të gjithë ndihen më të qetë me “Big Rom” në fushë, edhe për faktin se në 14 rastet që ka gjetur rrugën e rrjetës, skuadra ka dalë fitimtare në 12 prej tyre.
