Milan ka konfirmuar një lajm që ka prishur jo pak humorin në ambientin kuqezi. Rade Krunic do të qëndrojë jashtë fushave për të paktën një muaj. Mesfushori boshnjak ka pësuar një frakturë në këmbën e djathtë.
Vetë klubi kuqezi ka njoftuar se Krunic nuk do të jetë i gatshëm këtë muaj, teksa do të nisë menjëherë fazën e rikuperimit. Lajmi i vetëm i mirë është që mesfushorit nuk do t’i duhet të kryejë një ndërhyrje kirurgjikale, pasi në të kundërt mungesa do të ishte shumë herë më e gjatë.
