Chelsea dhe Frank Lampard kanë marrë një fitore me aromë Championsi ndaj Tottenhamit pasditen e sotme me shifrat 2-1. Pavarësisht se fitorja ishte e ngushtë, Blutë e Londrës dominuan në pjesën më të madhe të takimit.
Vetëm 15 minuta mjaftuan për Olivier Giroud për të gjetur golin e avantazhit, me francezin që lëshoi një predhë me të majtën, duke mos i dhënë asnjë shans portierit Hugo Lloris. Avantazhi nuk e uli ritmin e Chelseat që në fillimin e pjesës së dytë dyfishoi me anë të Marcos Alonso.
Spanjolli shkarkoi të majtën e tij perfekte duke shkundur rrjetën për herë të dytë. Tottenham shkurtoi diferencën pas një autogoli të Rudiger në minutën e 89-të, por ishte tepër vonë, pasi gjithçka u mbyll 2-1. Festë për Frank Lampard, i cili edhe një herë mposht ish-trajnerin e tij Jose Mourinhon. Chelsea ngjitet në kuotën e 44 pikëve tashmë, 4 më shumë se Tottenham.
