Tashmë është zyrtare, Ajaksi dhe Çelsi kanë arritur marrëveshjen për transferimin e Hakim Zijesh.
Marokeni do të bashkohet me londinezët që nga data 1 korrik e këtij viti. Çelsi do t’i paguajë Ajaksit një shifër prej 40 milionë eurosh, që mund të arrijë në 44, nëse kapen bonuset.
Zijesh ka debutuar me Ajaksin në shtator të 2016-ës, teksa në 160 sfida me fanellën e holandezëve ka gjetur rrugën e rrjetës 49 herë.
Një goditje me peshë kjo për Çelsin, që ka pasur merkaton e bllokuar gjatë verës së kaluar.
