Mançester Junajtid ka harruar të fitojë në kampionat, teksa nuk ka shkuar më shumë se barazimi pa gola ndaj Uolvesit, në ndeshjen e zhvilluar në “Old Trafford”.
Në pjesën e parë miqtë ishin më kërkues, duke rrezikuar disa herë portën e De Geas, por pa mundur të gjejnë rrugën e rrjetës. Ndërsa pjesa e dytë foli më shumë për “Djajtë e Kuq”, të cilët e kërkuan me ngulm golin e fitores.
Megjithatë pavarësisht tentativave të shumta, të besuarit e Solskjaer nuk ia dolën të shënojnë, duke u larguar nga kjo ndeshje me 1 pik. Të dyja ekipet janë në kuota të barabarta pikësh, 35, teksa ndajnë vendin e 6-të dhe të 7-të. Debutoi për Junajtid në këtë ndeshje edhe afrimi i kësaj merkato Bruno Fernandesh.
Kjo ishte ndeshja e tretë radhazi që Junajtid nuk fiton në kampionat, teksa në dy ndeshjet e mëparshme ishte mposhtur nga Liverpuli dhe Bërnlej.