Inter është gati të sjellë në Serinë A mbrojtësin 27-vjeçar francez Layvin Kurzawa, që luan me ekipin e PSG-së. Kontrata e lojtarit skadon në fund të këtij sezoni, ndërkohë që luan me kampionët e Ligue 1 që prej vitit 2015 (100 ndeshje dhe 12 gola).
“Sipas “tuttosport”, lojtari ka mbyllur para kohe kontratën me PSG dhe në verën e këtij viti do të largohet me koston zero. Një tjetër blerje “big” kjo për drejtorin sportiv Beppe Marotta, që do të sjellë tek Interi një lojtar që vlerësohet shumë.