Florian Kamberi ka bërë një hap të madh në karrierë, teksa kaloi nga skocezët e Hibernian te një ekip me emër të madh siç është Rejnxhërs.
Sulmuesi shqiptar është shfaqur mjaft i lumtur për këtë aventurë të re, teksa edhe në intervistën e parë të dhënë, është shprehur se ka qenë një ëndërr që të luante për ekipin që drejtohet nga Xherard. Pikërisht deklarata e Kmaberit nuk i ka pëlqyer tifozëve të Hibernian, teksa një nga ta është edhe bukuroshja Xhejn Park. 
Kjo e fundit është bërë e njohur për të gjithë para 7 vitesh, kur në moshën 17-vjeçare fitoi 1 milionë paund në lotari. Park njihet si një nga tifozet më të zjarrta të Hibernian dhe nuk i ka kursyer kritikat për sulmuesin shqiptar, me të cilin më parë është folur se ka pasur edhe një lidhje, ndonëse nuk është bërë asnjëherë publike.
Nëpërmjet një postimi në “Twitter”, bukuroshja skoceze ka shkruar: “Ti je një gomar në fushë dhe në shtrat. Rrugë të mbarë budalla”, duke iu referuar deklaratës së parë të Kamberit te Rejnxhërs.
PANORAMASPORT.AL
