Kristian Eriksen, mesfushori i Interit, luajti mbrëmë derbin e tij të parë dhe ishte shumë pranë një supergoli nga goditja e dënimit.
Për “Gazzeta Dello Sport”, danezi ka folur në lidhje me derbin e parë dhe atë që ai përjetoi duke parë atmosferën e krijuar nga tifozët..
“Pjesa e parë ishte e trishtueshme, por fitorja me atë përmbysje është diçka e veçantë. Më erdhi keq për atë goditjen e dënimit, do të ishte gol i bukur, por u ndal nga shtylla. Nëse do të shkonte në rrjetë do ishte qershia mbi tortë”, shprehet Eriksen.
Më tej ai shton: “Tifozët ishin fantastikë. Na mbështetën nga fillimi deri në fund. Koreografia më la pa fjalë, këtë atmosferë nuk e përjeton dot në Angli, pasi nuk lojehet nga organizatorët. Që kur ishim në autobuz, tifozët ishin atu duke kënduar”.
