Tifozët dëshirojnë ta shikojnë sërish në fushë me vazhdimësinë e fillimit të sezonit, përpara atij dëmtimi të mallkuar kundër Juventusit. Stefano Sensi punon për të qenë sa më parë në fushë, ndoshta edhe në derbin kundër Milanit.
I intervistuar nga mediat italiane, mesfushori i Interit është shprehur: “Ndihem mirë, punoj për të qenë në 100% në derbi. Do ta vlerësojmë situatën ditë pas dite. Jam i përqendruar vetëm te stërvitjet, kaloj gjithë ditën në fushë dhe do e bëj edhe gjatë këtyre ditëve për të qenë të dielën.
A do të jem? Nuk e di, pyesni trajnerin, ndoshta jo nga minuta e parë. Frikë nga Ibra? Më shumë se frikë, duhet të tregojmë kujdes sepse është një kampion që ka rritur vëmendjen e Milanit.
Eriksen? Do të duhet vetëm të ambientohet, por bashkë me të do të hedhim hapin cilësor. Unë si Iniesta? Jo, ai është unik. Megjithatë, mësoj prej tij, sepse jemi të ngjashëm”.