“Vetëm ndeshjen me Partizanin zhvilluam në “Air Albania”. Mund të konfirmoj që ndeshjen me Tiranën do ta luajmë sërish në “Air Albania”, ndërsa të tjerat në Elbasan”, është shprehur Nderim Nexhipi, drejtori sportiv i Kukësit, në emisionin “Sport News Plus”, në News 24.
Pas sfidave: Tirana-Partizani, Kukësi-Partizani dhe Tirana-Teuta, tashmë Kukësi-Tirana, pritet të jetë sfida e radhës që do të luhet në impiantin e ri.
Ndeshja mes Kukësit dhe Tiranës, është e vlefshme për javën e 23-të të Kategorisë Superiore dhe është programuar të luhet në 22 shkurt.
Por nuk dihet nëse kjo do të jetë data zyrtare, pasi mund të ketë ndryshime në javët në vazhdim.