Pezullimi për dy vite nga Europa mund të ndikojë edhe në organikën e klubit të Mançester Sitit prej sezonit të ardhshëm. Yje si Sterling, De Bryjne apo Aguero mund të vendosin që të largohen nga “Etihad” pa Europën dhe “The Sun” ka bërë një formacion hipotetik se si mund të duket skuadra e 2020- ’21 në rast se lojtarët më të mirë largohen në verë.
Edhe e ardhmja e trajnerit Pep Guardiola është në dyshim. Katalanasi ka klauzolën e prishjes së kontratës që skadon në 2021 që këtë verë. Kandidati i preferuar në “Etihad” në rast se kjo ndodh, është ish-trajneri i Totenhemit, Mauricio Poçetino.
