Barcelona merr një tjetër lajm tronditës pas dëmtimit të Luis Suarez disa kohë më parë, me uruguaianin që do të qëndrojë jashtë fushave edhe për 3 muaj të tjerë. Përveç tij, është dëmtuar përsëri edhe Ousmane Dembele.
Ky i fundit duket i mallkuar dhe së fundmi, klubi i Barcelonës ka dalë me një komunikatë, ku shpjegon se Dembele ka një këputje të tendinës në kofshën e djathtë. Klubi nuk ka sqaruar se sa pritet të mungojë francezi, por sipas atyre që shkruajnë mediat më të mëdha në Spanjë, Dembele mund të ketë mbyllur sezonin. Lajm tronditës për Barçën.
