Diego Simeone është një trajner mjaft impulsiv, teksa shquhet për reagimet e tij gjatë ndeshjes. Argjentinasi nuk pushon kurrë së karikuari lojtarët. Kur bëhet fjala për derbin ndaj Realit, emocionet dhe përqëndrimi është dyfish më i madh.
Skuadra e Çolos u mposht nga Reali me rezultatin 1-0, falë golit të Benezema, ndërkohë që një video pikante është duke bërë xhiron e internetit.
Në të shfaqen 2 futbollistët e Realit, Marselo dhe Militao, të cilët shihen në stolin e rezervave, duke tallur trajnerin Simeone për reagimet e tij. Brazilianët duket se janë argëtuar tej mase me teknikun e skuadrës rivale.
