Edhe pse vendimi i CAS-it për pezullimin e Skënderbeut me 10 vite nga Europa u tha se do jepej pak ditë më parë, sot, kur data shënon 13 qershor, ende nuk ka një përgjigje zyrtare që do i jepte zgjidhje çdo gjëje që ka mbetur pezull.
Edhe pse drejtuesit e klubit shprehen optimistë se fjala e fundit e CAS-it do jetë në favor të tyre, ankthi sërish është prezent. Tifozët dhe qytetarët korçarë gjithashtu janë në pritje. Partizani po ashtu, fati i të cilëve varet nga korçarët.
Edhe pse ka shumë ditë që është thënë se vendimi do dalë sot, do dalë nesër, në Korçë janë “sy e veshë” për të marrë përgjigjen e organit të pavarur, vendim që do të thotë shumë për Skënderbeun, pasi rrugët mund të ndryshojnë nëse vendimi është kundër klubit, ose e kundërta nëse është pro.
