Rio Ferdinand nuk mund ta humbiste rastin për të komentuar dënimin e dhënë nga UEFA-s kundër Manchester City, dy vite përjashtim nga garat europiane (dy sezonet e ardhshme, 2020-2021 dhe 2021-2022) për shkelje të “fair play financiar”. Gjithmonë shumë aktiv në rrjetet sociale, ish-lojtari i Manchester United ka përfituar nga një “cicërimë” e llogarisë së “Football on BT Sports” (me më shumë se 876.000 ndjekës) për t’u entuziasmuar me ndëshkimin e rivalit të madh të “Djajve të Kuq”, veçanërisht të trajnerit Pep Guardiola.
Mes mijëra “tweet”-ve të publikuar në orët e fundit për këtë çështje, Ferdinand ka zgjedhur njërin prej tyre, në të cilin sanksioni për “qytetarët” është ilustruar me një imazh të Guadiolës, i dëshpëruar në pankinë. Ish-lideri i Manchester United nuk e fsheh gëzimin e tij, riposton lajmin për dënimin e “qytetarëve” nga “Football on BT Sports” me imazhin e një Guardiole të dëshpëruar dhe shton një koment plot ironi: “Çfarë turpi…”. Statusin e shoqëron nga një e qeshur e madhe në formën e “emoji”.
Komenti i tij nuk ka lënë askënd indiferent në Angli dhe po merr një mori kritikash nga fansat. Komentet kanë qenë të tilla, sa brenda pak minutash Ferdinandit i është dashur të publikojë një “tweet” të ri, si formë ndjese: “Admirim i madh për Pep dhe Manchester City, një ekip i qytetit tonë, me disa miq të përfshirë. Për t’i dhënë seriozitet gjësë, do të jetë interesante të shohim se çfarë do të ndodhë në procesin e apelit. Vendi i pestë i Premier League sapo ka marrë një lajm shumë interesant!”
HUGE NEWS
Manchester City have been banned from the Champions League for two years and fined 30 million euros after committing serious breaches of Uefa's club licensing and financial fair play regulations. pic.twitter.com/QWjNp6tBWf
— Football on BT Sport (@btsportfootball) February 14, 2020