Një ndër lojtarët më të rëndësishëm të Manchester City është padyshim Raheem Sterling. 25-vjeçari është pjesë e “Citizens” që nga viti 2015, kohë kur la Liverpoolin, ekipin që e bëri të njohur në futboll.
Pavarësisht se prej 5 vitesh luan te Manchester City, Sterling ka rrëfyer se vajza e tij 7-vjeçare, Melody, është tifoze e Liverpool. Ylli i Cityt tregon se Melody e ngacmon gjithmonë, madje edhe këndon këngën që tifozët e Liverpool këndojnë për Mohamed Salah.
“Ajo më ka ngjarë mua dhe ka personalitetin tim, ku shpesh përpiqet edhe të më ngacmojë. Është tifoze e Liverpool dhe më këndon gjithmonë këngën e Salah”, shprehet Sterling në intervistën e dhënë.
