Trajneri i Tottenham, Jose Mourinho, ka folur për BBC Sport pas fitores dramatike 3-2 të arritur në minutën e fundit kundër Aston Villa-s.
“Mendoj se e merituam fitorën, por mendoj edhe se ata nuk e merituan humbjen. Villa luajti për të fituar”, ka thënë portugezi.
“Alderweireld? Do të thoja se ka shënuar tre gola: autogolin, golin e tij dhe kur humbi duelin me Engels. Megjithatë realizoi golin e jetës pasi u bë me një bebe të re këtë javë”.
“Kualifikimi në Champions si vendi i pestë? Nuk është një mundësi vetëm per ne. Një dritare është hapur për kaq shumë skuadra. Dukej diçka e largët, por vendi i pestë nuk është shumë larg. Arsenal, Everton, Sheffield United, Wolves… të gjithë besojnë se kanë një mundësi”.
