Gjithçka është në duar të Zlatan Ibrahimovic. 38-vjeçari iu bashkua Milanit si lojtar i lirë në afatin kalimtar të janarit, duke nënshkruar kontratë deri në fund të sezonit, me mundësi vazhdimi edhe për një sezon tjetër.
Sido që të jetë, nëse do të qëndrojë apo të largohet, gjithçka është në duar të Ibrahimovic, pasi te Milani, siç ka thënë drejtori sportiv i klubit, Ricky Massara, janë të lumtur me suedezin. “Gjithçka është në duar të tij, se si ndihet dhe se sa gjatë dëshiron të vazhdojë. Ai me të vërtetë është fenomen dhe jemi të lumtur me paraqitjet e tij”, deklaroi Massara.
