Futbollisti i Kombëtares, Frederik Veseli, u largua në ditët e fundit të merkatos nga skuadra italiane e Empolit, për t’u transferuar tek francezët e Le Mansh, që militojnë në ligën e dytë franceze.
U tha fillimisht, se dokumentat e shqiptarit ishin bllokuar, duke venë në diskutim transferimin, megjithatë gjithçka u zgjidh, teksa ditën e sotme Veseli u zyrtarizua përfundimisht si futbollist i ri i Le Manshit.
Lajmi është konfirmuar nga vetë klubi francez, nëpërmjet një njoftimi në faqen zyrtare. Mësohet se shqiptari do të jetë menjëherë në dispozicion të trajnerit, për sfidën e ardhshme ndaj Lorient, ku me shumë mundësi do të vijë edhe debutimi. Në 22 javë kampionat, Le Mansh ka arritur të sigurojë vetëm 21 pikë, duke u renditur në vendin e 17-të.