Ditën e djeshme u konfirmuan dy rastet e para të futbollistëve me Coronavirus në Gjermani dhe bëhej fjalë për dy lojtarë të Hanover 96, ekip që luan në Bundesliga 2.
Pavarësisht këtij fakti, federata gjermane ka marrë një vendim disi të çuditshëm. Ndeshjet e kësaj fundjave do të luhen, por pa praninë e tifozëve. Pas kësaj jave futbolli do të pezullohet.
Afati i pezullimit do të jetë deri në datën 2 prill, ndërsa do të ketë edhe një mbledhje tjetër ditën e hënë, për të parë gjendjen dhe zgjidhjet e mundshme që mund të ketë pas 2 prillit.
