Gazeta britanike “Daily Telegraph” raporton se sulmuesi i Totenhemit, Herri Kejn mund të largohet në merkaton e verës për të bërë një hap para në karrierën e tij pas disa vitesh me “Spurs”.
I njëjti burom flet dhe për destinacionin e mundshëm, duke theksuar se Mançester Junajtid, klubi tepër i interesuar në verën që lamë pas, mund të kërkojë ta blejë përsëri këtë merkato, aq më tepër nëse do të marrë dhe Mauricio Poçetinon, ish trajneri i Totenhemit që bëri histori me klubin duke e çuar për herë të parë në finale të Champions League.
26 vjeçari anglez Herri Kejn ka luajtur 278 ndeshje me Totenhemin, ku ka shënuar 181 gola dhe ka dhënë 30 asiste, por këtë sezon ka vuajtur nga një dëmtim disa mujor dhe pritet të rikthehet së shpejti në fushën e blertë.
