Më tepër se eliminimi nga FA CUP i Totenhemit ka tërhequr vëmendjen portieri kundërshtar i Noruiçit Tim Krul.
Futbollisti holandez ishte njeriu vendimtar që siguroi kualifikimin e skuadrës së tij në fazën çerekfinale të FA Cup. Ai ishte i përgatitur për të pritur penalltitë e lojtarëve të Totenhemit. Kamerat në fushë fiksuan disa momente kur holandezi po lexonte emrat e lojtarëve kundërshtarë dhe si dhe radhën e ekzekutimit të penalltive të shkruara saktësisht në një letër të mbështjellë rresh një shisheje me ujë.
Kjo teknikë përdoret jo pak herë nga portierët gjatë raundit të ekzekutimit të 11-metërshave dhe qëllon shumë herë efikase.