Pas klubeve më të mëdha të Premierligës, sulmuesi kosovar është bërë objektiv edhe i klubeve nga Serie A
Vedat Muriqi është futbollisti më i kërkuar shqiptar në treg.
Sulmuesi prizrenas ka impresionuar këtë sezon me Fenerbahçen dhe kjo ka bërë që klubet e mëdha evropiane t’ia vënë syrin atij.
25 vjeçari qe një kohë ishte bërë objektiv i klubeve angleze.
Atë e vëzhguan klubet e Premierligës si Tottenham, Manchester United, Leicester City, Newcastle United, Burnley dhe Brighton.
Ndërsa, së fundmi në garë për përfaqësuesin kosovar janë futur edhe klubet italiane.
Interesim për sulmuesin e rrezikshëm kanë shfaqur Lazio dhe Napoli.
Sipas mediave turke, të dyja klubet nga Serie A i kanë ofruar nga 20 milionë euro për Muriqin.
Vedati e nisi furishëm sezonin aktual, por në ndeshjet e fundit kishte rënie të formës.
Fenerbahçe flitet se gjatë janarit e ka refuzuar një ofertë të Unitedit prej 25 milionë eurosh pasi për të i kërkonte 35 milionë.
Sipas të gjitha gjasave, Muriqi do të largohet nga Stambolli gjatë verës që vjen. /Gazeta Express/
