Futbollisti i Totenhemit dhe kombëtares së Anglisë Erik Daier rrezikon të penalizohet rëndë nga Federata Angleze e Futbollit pasi hyri në sektorin e tifozëve të skuadrës londineze për t’u konfrontuar me një person që po debatonte me vëllain e tij.
Gjithçka ndodhi pas eliminimit të “Spërs” nga FA Cup. Mbrojtësi anglez kapërceu fushën dhe hyri drejt sektorit ku ishin vendosur tifozët e Totenhemit. Tekniku Murinjo e kritikoi lojtarin e tij, megjithatë një rast i tillë vështirë se do të kalohet lehtë nga Trupa Disiplinore e Federatës Angleze të Futbollit.
