De Ligt apo Kielini? Bastoni apo Godin? Këto janë dy nga dilemat që kanë trajnerët Sarri dhe Konte për ndeshjen e sotme.
Nëse pjesa tjetër e skuadrës duket thuajse e plotësuar, mbeten ende disa pikëpyetje për repartin defensiv. Bardhezinjtë do të konfirmojnë skemën 4-3-3, me Kuadradon të avancuar, Dibalën dhe Ronaldon, ndërsa në mesfushë Matuidi në balotazh me Rabionë.
Në radhët e zikaltërve, dyshja Lautaro-Lukaku do të jenë në sulm, të mbështetur nga Kandreva dhe Jang nga krahët. Në mesfushë konfirmohet Vesino-Barela-Brozoviç, ndërsa Bastoni sfidon Godinin për një fanellë titullari. Në portën e Interit rikthehet Samir Handanoviç.