Teuta ka kryer dje stërvitjen e fundit para ndeshjes me Flamurtarin, e cila do të zhvillohet sot në “Niko Dovana” në orën 14:00. Trajneri Edi Martini ka aplikuar një seancë stërvitore ndryshe, duke u dhënë futbollistëve më pak ngarkesë.
Seanca e djeshme më së shumti u fokusua në ushtrimet teknikotaktike. Për këtë ndeshje, trajneri Martini do të ketë dy mungesa titullarësh, Rustem Hoxha dhe Blagoja Todorovski.
Të dy lojtarët në sfidën ndaj Partizanit morën kartonin e katërt të verdhë dhe nuk do të jenë në këtë sfidë. Për këtë ndeshje do të rikthehet nga pezullimi njëjavor mbrojtësi i majtë Aleksandër Kuro. Gjithsesi, në Durrës alternativat nuk mungojnë.
