Klubet e Serie A kanë nisur që të mendojnë për të shkurtuar rrogat e futbollistëve të tyre. E shkruan “Corriere dello Sport”: në tavolinën e mbledhur nga Sindikata Italiane e Futbollistëve (AIC) nuk ka pasur kërkesa specifike në këtë drejtim, por presidentët e klubeve kanë lënë të kuptohej që, sipas humbjeve ekonomike që do të pësojnë, mund të kërkojnë sakrifica te lojtarët.
Gropa, sigurisht, ka dimensione potencialisht të ndryshme: kalohet nga 720 mln euro që Serie A do të humbiste nëse nuk do të rifillonte sezoni te 150-160 mln euro të sigurta humbje edhe me rinisje të vonshme të kampionatit.