Iván Campo ka kritikuar ashpër qëndrimin e politikanëve në menaxhimin e krizës së “Coronavirus”. Lojtari legjendar i Real Madridit ka deklaruar se ata po kërkojnë vetëm “të marrin medalje, duke e ditur që po vinte një pandemi botërore”. Iván Campo, lojtari mitik i të bardhëve dhe Real Mallorca, mes skuadrave të tjera, ka shfrytëzuar rrjetet sociale për të shpërthyer ndaj sjelljes së politikanëve në këtë kohë emergjence globale.
“Në cilën botë mu** jetoni, për të dëgjuar kaq shumë gënjeshtra dhe gënjeshtra të vazhdueshme nga të gjithë politikanët e Spanjës, që mezi prisnin medaljen e tyre, duke ditur se po vinte një pandemi globale”, – shkroi ai.
“Iván Campo shkon më tej: “Politikanët dhe qeveritarët nuk kanë lëvizur as gishtin ndaj kësaj situate, e cila përkeqësohet çdo ditë për shkak të moskompetencës së tyre. Kam lexuar tani që Kryeministri po zgjat gjendjen e alarmit për krizën e “Coronavirus” edhe për 15 ditë të tjera nga sot. Por, a nuk e bëtë një konferencë shtypi dje dhe nuk mund t’ia komunikonit këtë kombit? Në cilën m** bote jetoni?”
Spanja, në këtë krizë, është afër 30.000 të infektuarve dhe 1720 vdekje, siç ka raportuar Ministria e Shëndetësisë atje. Sa i përket futbollit, Valencia konfirmoi se 35% e saj është testuar pozitive dhe fajëson udhëtimin në Milano për të luajtur kundër Atalanta, në Champions. Përveç saj, Espanyol ka pesë raste të konfirmuara, ndërsa Alavés me tre. Jashtë kufijve iberikë, Juventusi ka tri raste, si Rugani, Matuidi dhe Paulo Dybala.
Hasta los 🥚de escuchar tanta falsedad y mentira continua de todos los políticos de España para ponerse su medalla sabiendo que venía una pandemia mundial y no han movido ni un puto dedo y cada día va a peor por su puta incoherencia e incompetencia.
— Ivan Campo (@ivan_campo) March 22, 2020
