Futboll Sport

“KORONAVIRUSI SI SHPËRTHIMI I ÇERNOBILIT”/ Shevchenko: Ju tregoj ndjesitë që kam përjetuar

Andrij Shevçenko ndodhet në Londër me familjen, por mendja e tij shkon edhe te Italia, ku mori emër e famë. Ukrainasi ka dhënë një intervistë telefonike për “SKY24” duke shpjeguar ndjesitë dhe si e kalon kohën në këto ditë të vështira.

Si po shkon karantina Andrij?

Jam në Londër me familjen time, por banoj jashtë qytetit. Kam dhjetë ditë i mbyllur në shtëpi. Janë momente të vështira, por jetoj me shpresën se gjërat do të rregullohen së shpejti. Mundohem të stërvitem për të mbajtur trupin në formë e po përpiqem të përfshij edhe fëmijët, por nuk më dëgjojnë.

Çfarë mesazhi keni për njerëzimin?

Që të respektojnë rregullat e shtetit, të qëndrojnë në shtëpi sa më shumë e ti japin mjekëve mundësi për të punuar. Janë ata që na japin shpresë falë së punës së tyre. Dua t’i falënderoj, doktorët, infermierët e vullnetarët të cilët janë heronjtë e vërtetë të kohës tonë.

Për ju nuk është përvojë e re kjo e izolimit apo jo?

Në fakt është shumë e ngjashme me atë të shpërthimit të Çernobilit. Kam përjetuar ndjesi të ngjashme në atë kohë. Isha 9 vjeç, por e kuptoja vështirësinë e atij momenti.

Nuk ka rrugë tjetër përveç se të ndjekim udhëzimet qeveritare. Virusin mund ta kemi edhe ne, ndaj të mos mendojmë vetëm për veten, por edhe për ata njerëz që mund t’i infektojmë gjatë lëvizjeve tona.

Related posts

Goditje e rëndë për Barçën, humb dy lojtarë në 3 minuta

Sadik.Autor

Ndërprerja në momentin e duhur, 3 futbollistë trembin trajnerin Gjoka

Sadik.Autor

Pogba “kuron” shokët e skuadrës, merr berberin nga Londra për të qethur 12 “gjela” (FOTO)

Sadik.Autor

Leave a Comment