Ronaldinjo do të vazhdojë të qëndrojë në burg në Paraguai, së bashku me vëllain e tij për shkak të përdorimit të dokumenteve false.
Dy vëllezërit rrezikojnë të qëndrojnë rreth 6 muaj në paraburgim. Ish-sulmuesi i Milanit dhe Barcelonës ka hyrë me dokumente false në shtetin e Paraguait dhe për këtë arsye është arrestuar nga policia e këtij vendi.
Ronaldinjo së bashku me vëllain e tij janë parë dje të dalin para gjykatës, teksa ajo që ka tërhequr vëmendjen e të gjithëve, është fakti se braziliani mbulon pjesën e prangave me një peshqir rozë, në mënyrë që të mos duken, ndonëse kuptohet.