Serie A rrezikon të shtyhet sërish, për shkak të panikut që ka mbërthyer Italinë nga Koronavirus.
Në 12:30 ishte planifikuar të zhvillohej ndeshja mes Parmës dhe SPAL-it, por arbitri i ndeshjes i ka urdhëruar lojtarët të shkojnë në dhomat e zhveshjes, me ndeshjen që është shtyrë me 30 minuta.
Shkak për këtë është bërë ministri i sportit në Itali, Vinçenco Spadafira, i cili ka kërkuar që federata të vlerësojë shtyrjen e ndeshjeve në këtë moment delikat të vendit.
Në këtë situatë rrezikon të shtyhen edhe ndeshjet e tjera që janë planifikuar sot, ku spikat ajo mes Juventusit dhe Interit. Megjithatë nuk ka ardhur ende një vendim zyrtar.
