Pas largimit, legjenda kuqezi nuk është ndalur dhe ka folur përsëri duke thënë se Milan ka arritur një marrëveshje me Rangnick që në muajin dhjetor, duke ia mbajtur të fshehtë. Pas deklaratave të fundit të Boban, Gazidis ka reaguar përsëri duke mohuar gjithçka, pavarësisht se edhe nga mediet bëhet me dije që nuk ka më dyshime dhe Rangnick do të bashkohet me Milanin në fund të sezonit.
Pikëpyetja e madhe qëndron në faktin se çfarë roli do të ketë në ekip gjermani. Fillimisht, ishte thënë se do të mbante vetëm rolin e drejtorit teknik, ku do të merrej me merkaton, por sipas asaj që shkruan “Sempre Milan”, Rangnick do të jetë edhe trajner i kuqezinjve, me Stefano Piolin që do të largohet.
Revolucion total te “Djalli”, ku pas Boban, në fund të sezonit do të bëjnë gati valixhet edhe Maldini e Pioli, për t’i lënë vendin Ralf Rangnick.