Teuta pret në shtëpi Flamurtarin, në ndeshjen e vlefshme për javën e 26-të në Kategorinë Superiore.
Durrsakët do të kërkojnë me çdo kusht fitoren, e cila për ta në këtë ndeshje do të jetë detyrim. Megjithatë nuk do të jetë aspak e lehtë, pasi Flamurtari në ndeshjet e fundit ka treguar rritje në lojë.
Pritet të jetë një ndeshje e luftuar nga të dyja ekipet në “Niko Dovana”, të cilat do të kërkojnë të marrin maksimumin nga ndeshja e sotme. Trajnerët kanë zgjedhur formacionet e tyre, me të cilët mendojnë se mund të marrin rezultat pozitiv.
Formacionet zyrtare:
Teuta: Frashëri, Arapi, Kenan Hreljic, Kuro, Avdyli, Beqja, Aleksi, Lorenco Vila, Emiliano Vila, Çyrbja , Gomes. Trajner: Edi Martini.
Flamurtari: Moçka, Hoxhaj, Ramos, Muçollari, Nebihu, Gocaj, Vrapi, Qarri, Souza, Haruni, Pjeshka. Trajner: Marselo Troisi.