Ka fituar thuajse gjithçka në karrierën e tij si futbollist dhe numëron 36 vite mbi supe, por Dani Alves nuk kërkon ta mbyllë me futbollin.
Braziliani është pjesë e Sao Paulos, por duket gati edhe për një tjetër eksperiencë të re, ku bëhet fjalë për Boca Juniors. Në një intervistë të dhënë së fundmi, mbrojtësi ka folur dhe është shprehur se Boca është një klub i veçantë.
“ ‘Bombonera’ është tempull i futbollit. Një kalim i imi te Boca Juniors nuk do të ishte keq. Të gjithë e dinë që e ndjej si klub Bocën dhe është shumë i veçantë për mua. Nuk e them thjesht për të gëzuar njerëzit, por sepse ëshë vërtet një klub i madh”, shprehet Dani Alves.
