“E gjitha kjo është një makth që përkeqësohet dita ditës”. Shqetësim në zërin e Arturo Vidal, që në një linjë telefonike me Canal 13 në Kili ka shprehur situatën dhe gjendjen e tij emocionale për izolimin dhe autokarantinimin, në luftën ndaj epidemisë që ka shpërthyer në botë, Covid-19.
“Eshtë shumë e çuditshme ajo që po ndodh”, deklaroi lojtari i Barcelonas. “Jemi të shqetësuar vazhdimisht, por duhet të jemi të fortë dhe të bashkëpunojmë. Jam i trishtuar dhe shqetësuar sepse nuk e dimë se kur do të mbarojë. Nuk e kisha menduar kurrë se do të ndodhte”.
