Një lajm i mirë ka ardhur nga familja Maldini, pasi djali i familjes Danieli ka konfirmuar se nuk është më me COVID-19. Ai dhe babai i tij, Paulo ishin prekur nga korona, por tani duket se gjendja e tyre është stabilizuar.
“Jam mirë dhe nuk po shfaq më simptoma. Kam nisur stërvitjen individuale madje”, – tha ai gjatë një live në Instagramin personal. 18-vjeçari ka debutuar me “Djallin” dhe po këshillohet nga babai i tij Paulo, por dhe nga një legjendë si Zlatan Ibrahimovic.
“Isha shumë i qetë dhe i përqëndruar te ndeshja, por sigurisht që San Siro më dhuroi shumë emocione. Ishte një eksperiencë unike”, – tha ai.