Të fillojë përsëri, por me kujdes maksimal. Sot është një ditë e rëndësishme për futbollin italian, i cili do të paraqesë protokollin e hartuar nga Serie A te ministri i sportit, Vincenzo Spadafora, përmes video-konferencës.
20 klubet diskutuan dje dhe ranë dakord unanimisht për rifillimin e kampionatit, por, padyshim, në një situatë delikate si ajo e tanishmja, fjala e fundit do të thuhet nga qeveria. Kjo e fundit do të duhet të vendosë, të japë dritën jeshile apo të bllokojë gjithçka përsëri.
Për momentin, hipoteza më e mundshme është që takimi i sotëm do të jetë njëfarë mënyre bashkëbiseduese, duke pasur parasysh se për të kuptuar më shumë do të jetë e nevojshme të pritet fundi zyrtar i bllokimit, i vendosur për 3 majin e ardhshëm.
Nga dita tjetër, megjithatë, është e vështirë të spekulosh që futbolli mund të “rindizet” menjëherë. Me pak fjalë, edhe klubet do të thirren për të respektuar distancimin social të nevojshëm, për të shmangur ngjitjen e virusit. Kjo distancë është vendosur tashmë nga FIGC, prej dy metrash.
Stërvitjet më pas mund të fillojnë përsëri, por vetëm individualisht. Gjatë gjithë kohës, sipas protokollit, lojtarët do t’i nënshtrohen shqyrtimit të kujdesshëm shëndetësor. Hipoteza e një rifillimi shumë gradual ka të ngjarë të zvogëlojë periudhën, në të cilën vetë lojtarët do të detyrohen të qëndrojnë në izolim e grumbullim, pa pasur ndonjë kontakt me botën e jashtme. Këtu përfshihen edhe familjet e tyre.
Një formulë që mund të funksionojë për Serie A, por do të jetë e vështirë për t’u zbatuar në Serie B. Ndërsa Serie C, tani është gati të ndalet përfundimisht. Për të zbuluar më shumë, megjithatë, duhet vetëm të prisni disa orë më shumë. Ose disa ditë.
