Real Madridi po mendon për sulmin dhe emri që ka dalë në listë është ai i Sadio Manesë. Futbollisti i Liverpoolit mund të largohet nga skuadra e trajnerit Jurgen Klopp, prandaj me shumë mundësi dhe madrilenët mund ta rrëmbejnë.
Spanjollët duan të gjejnë një përfaqësues për Karim Benzemanë dhe futbollisti senegalez mund të jetë i duhuri. Ai e njeh mirë portën dhe ka një përvojë të madhe.
Zidane është i dashuruar pas tij dhe e sheh më të arritshëm se sa Kylian Mbappenë. Ky i fundit është një mision shumë i vështirë, pasi PSG nuk e lëshon dhe duhen shifra stratosferike. Tekniku francez mund të mos e ketë, por do të priste me shumë kënaqësi senegalezin në skuadër.