Ngolo Kante është një nga lojtarët më të mirë te Çelsi, i cili ka treguar gjithmonë performanca të shkëlqyera.
Megjithatë sipas lajmeve të fundit, ky mund të jetë sezoni i fundit i mesfushorit francez në Londër. Futbollisti ndiqet prej kohësh nga Real Madridi, si një dëshirë shumë e madhe e trajnerit, Zinedin Zidan që dëshiron ta ketë në ekipin që ai drejton.
Sipas “90min.com”, Çelsi është i hapur për shitjen e mesfushorit në verë, pasi do të merrnin një shumë të konsiderueshme në arkat e tyre. Pikërisht Reali po përgatit ofertën për Kantenë, që sezonin e ardhshëm pritet të luajë në La Liga.
