“Switch the flip”, është një nga sfidat më të frekuentura në “Tik Tok”. Të shumtë kanë qenë personazhet e njohur që nuk i kanë rezistuar dot kësaj sfide, duke postuar videon në rrjetet sociale.
Kushtet e “Switch the flip” janë që teksa kërcehet e pozohet partnerët të ndryshojnë rrobat dhe rolet. Kësaj nuk i ka rezistuar dot as kapiteni i Laçit, Aleksandër Ignjatoviç.
Mbrojtësi serb po qëndron i izoluar me gruan e tij simpatike në Tiranë. Të dy janë bërë pjesë e sfidës, ku futbollisti kërcen dhe partnerja qëndron pa lëvizur. Më pas ndryshohen rolet dhe rrobat, ndërsa muzika vijon të jetë e njëjta me Drake në sfond, e cila është bërë hit në “Tik Tok”.
